Kryeministri Edi Rama thotë se transformimi i Onkologjikut vazhdon, teksa ka publikuar pamje nga brenda spitalit.

Përmes një video në mediat sociale, shihet se spitali është pajisur me poltrone të reja, në sallat kur pacientët kryejnë kimioterapi.

Burri gjendet i vdekur në banesën e tij, policia nis hetimet

Më 12 dhjetor, në Prizren, një person është gjetur pa shenja jete brenda banesës së tij.

Sipas raportit 24-orësh të Policisë së Kosovës, në vendin e ngjarjes ka dalë ekipi mjekësor, i cili ka konstatuar vdekjen e viktimës, shtetas kosovar.

Policia bën të ditur se, përveç njësive relevante policore, në vendin e ngjarjes kanë intervenuar edhe zjarrfikësit, të cilët, në prani të familjarëve, kanë hapur me forcë derën e banesës ku është gjetur trupi i pajetë.

Me urdhër të prokurorit, trupi i viktimës është dërguar në Institutin e Mjekësisë Ligjore për obduksion, ndërsa rasti është cilësuar si “hetim i vdekjes” dhe hetimet janë në vazhdim.

Kryetari i Partisë Mundësia, Agron Shehaj, ka reaguar pas vendimit të Gjykatës Kushtetuese,  e cila riktheu zëvendëskryeministren Belinda Balluku në detyrë deri më 22 janar.

“Gjykata Kushtetuese zgjodhi të mbrojë Ramën dhe Ballukun, duke i dhënë Edi Ramës vetëm pak kohë më shumë, asgjë më tepër”, u shpreh Shehaj.

Arrestohen gjashtë persona për kontrabandë dhe kalim ilegal të kufirit në veri të Kosovës

Gjashtë persona janë arrestuar në veri të vendit nën dyshimin për kontrabandim me mallra dhe kalim ilegal të kufirit.

Policia ka njoftuar se të enjten mbrëma, në fshatin Rujishte, në një rrugë malore, njësitë policore kanë ndalur katër automjete me targa të Serbisë. Automjetet dyshohet se transportonin mallra të kontrabanduara pa dokumentacion mbi prejardhjen e tyre.

Në to u gjetën tekstile, artikuj ushqimorë dhe produkte mishi. Të arrestuarit janë shoqëruar në Stacionin Policor të Mitrovicës së Veriut.

Sipas Policisë, për rastin është njoftuar Dogana e Kosovës, e cila do të vazhdojë procedurat doganore. Prokurori kujdestar ka autorizuar inicimin e rasteve “Kontrabandimi me mallra” dhe “Kalimi ilegal i kufirit”. Pas intervistimit, të dyshuarit janë liruar në procedurë të rregullt.